CSICen Aspira-MaX Josefa Barba Bikaintasun Zigilua jaso du CFMk

Materialen Fisika Zentroak MaX Josefa Barba Bikaintasun Zigilua jaso zuen joan den astean, MaX Proiektuaren lehen fasea gainditzeagatik. Ekimen honek bikaintasun zientifikoa sustatzen du Ikerketa Zientifikoen Kontseilu Gorenaren (CSIC) barruan. Celia Rogero zuzendariak jaso zuen errekonozimendua. Zigiluak CSICeko zentro eta institutuetako zuzendaritza-taldeek urtero egiten duten bileran banatu ziren, eta Eva Ortega Paiño, Ikerketako idazkari nagusia, izan zen ekitaldiko burua.

ASPIRA-MaX CSIC bikaintasun-zigilu horiek ikerketa-zentroen bikaintasunerako ahaleginak aitortzeko sortu ziren.

Programa horrek, beste proposamen batzuen artean, dirulaguntzak ematea jasotzen du, ikerketa-zentroek beren jarduera-planak egin ditzaten, hobetu daitezkeen arloak indartzeko ekintzak taxutzeko. Horretarako, baliabideak esleitzea eta bikaintasuna egiaztatzea eskatzen duen ibilbide bat ezartzen da.

ASPIRA-MaX CSIC bikaintasun-zigiluak

Zigilu bakoitzak bere karrera CSICeko hiru arlo zientifikoetako batean garatu duen ikertzaile baten izena darama: Josefa Barba, Farmazian lizentziaduna eta Zientzietan doktorea, ibilbide oparoa egin zuen neurozientzian eta ikaskuntza-prozesuetan; Sagrario Martínez-Carrera, Kimikan doktorea, egungo Blas Cabrera Kimika Fisikoko Institutuko Kristalografia Sailean lan egin zuen eta XX. mendearen erdialdeko Espainiako zientziaren adierazleetako bat da; eta Margarita Comas, biologian doktorea eta idazlea, bere ibilbide zientifikoa pedagogian garatu zuen, Espainian zientzien didaktika sartzen eta mundu akademikoan genero-berdintasuna sustatzen