Celia Rogero CFMko zuzendari berria
CFMko zuzendari berriak bere aginteari ekin dio materialen zientziaren azterketan erreferente bihurtu den ikerketa-zentro kontsolidatuan
Celia Rogero, CSICeko zientzialari titularra, Materialen Fisika Zentroko (CFM) zuzendari berria da. CFM Ikerketa Zientifikoen Goi Kontseiluaren (CSIC) eta Euskal Herriko Unibertsitatearen (UPV/EHU) zentro mistoa da. Daniel Sánchez Portal ordezkatuko du karguan, azken lau urteetan bere postua bete baitu, ikertzaileen taldea handitzen eta nazioarteko lankidetzak indartzen lagunduz: “Nire etapari amaiera eman diot, Celiak materialen zientziaren arloan gure lidergoa bere osotasunean indartzearen alde egingo duela jakiteak ematen digun pozarekin”.
Prestakuntza akademiko sendoarekin, Celia Rogero Madrilgo Unibertsitate Autonomoan doktoratu zen 2003an, eta Unibertsitatearen Aparteko Saria eta Espainiako Doktoreen Errege Akademiaren saria jaso zituen. Ikerketa lanak jarraitu zituen Newcastle Upon Tyne Unibertsitatean (2004-3006) eta Madrilgo Astrobiologia Zentroan (CAB (INTA-CSIC) (2006-2009) doktoretza ondoko egonaldiak eginez. Ordutik, zientzialari titular gisa duen lidergoa erakutsi du CFMn, non funtsezko rolak bete dituen, Nanofisikako Laborategiko zuzendarikide gisa. Gaur egun ASEVA (Asociación Española de Vacío y sus Aplicaciones) elkarte zientifikoko presidentea da.
Celia Rogerok gogo biziz eta errespetuz egiten dio aurre kapitulu berri honi, ordezkatuko duen zentroaren ospe sendoaz jabetuta. Materialen Fisika Zentroa (CFM) nazioartean ezaguna den erakundea da, eta hainbat zientzia-diziplinatako ikertzaile ospetsuak erakartzen ditu. Bere misioa argia da: ezagutzaren horizonteak zabaltzea materialen sintesi eta analisiaren bidez, gure gizartearen erronka zientifiko eta teknologikoei helduz. Rogero doktorearen hitzetan, “CFMren konpromisoen barnean gure aurkikuntzak gaur egungo eta etorkizuneko erronkei lagunduko dieten soluzioetan bihurtzen direla ziurtatzea, horrela gizartearentzat garbiagoak, jasangarriagoak eta onuragarriagoak diren teknologien aurrerapenean lagunduz. ”
CFMko ikerketa-gaiek espektro zabala hartzen dute barnean, eraikuntza fotonikoko materialetatik hasi eta konputazio kuantikora arte, aplikazio medikoetarako nanopartikulen azterketatik, edo energia-kontsumoa murrizteko material berrietatik igaroz besteak beste. “Ikerketa-arlo berrietan aurrera egiteko erronkaren alde egiten jarraitu behar dugu, industriarekin bat eginez eta hasieratik, gure gizartea hobetzen laguntzeko, oinarrizko ikerketari garrantzia eta lekua kendu gabe”.
Horregatik, zuzendari berriaren erronka nagusietako bat kalitate handiko ikerketa berritzailea akademiatik enpresara, industriara eta, ondorioz, gizartera eramatea da. Rogero doktoreak elkarlanerako ikuspegi horren garrantzia nabarmendu du. Bertan, akademiak enpresan lan egingo duten profesionalak presta ditzake. Aldi berean, elkarrekintza horrek teknologia berrien ekoizpenean dauden benetako beharrizanak eta mugak ulertzeko aukera ematen du, bereziki material berrien erabilerari dagozkionak. Lankidetza estu horrek bi aldeei mesede egiteaz gain, gure panorama zientifikoa eta teknologikoa aberastu eta eraldatzen du, eta epe ertain eta luzerako estrategia irabazlea da.
Gainera, CFMk zientziaren zabalkundea eta berdintasuna sustatzeko politikak egitea oinarri ditu: “Genero-berdintasuna gure ikerketa-eremuan lortu beharreko erronka da gaur egun ere. Zuzendari naizen aldetik, zientziaren dibulgazioa sustatzen duten ekimen guztiak babesten jarraituko dut, ezagutzak partekatzearen garrantzia aitortuz eta pertsona guztien lana goraipatuz, generoa edozein dela ere “.
Zuzendari berriak, gainera, etapa berri bat ireki nahi du CFMn, iraunkortasunari aurre egiteko, bai CFMren beraren kudeaketan, bai egiten diren proiektuetan. Horretarako, lan-batzorde bat sortuko da, egoeraren barne-diagnostikoa egingo duena eta datozen lau urteetan epe laburrerako ekintza-plan bat proposatuko duena.