Pint of Science bueltan da tabernetan!

· Zientzia-dibulgazioko nazioarteko jaialdia maiatzaren 13, 14 eta 15ean egingo da estatu osoan, eta sarrera doan izango da.

· Donostian, Pint of Science Alboka, Amuitz, Errotatxo, Mala Gissona eta Manuel (Errenteria) tabernetan egingo da.

Pint of Science Zientzia Dibulgazioko Nazioarteko Jaialdiaren bederatzigarren edizioa orain arte antolatu den anbizio handikoena da, 850 hitzaldirekin 67 hiritan, maiatzaren 13, 14 eta 15ean. Hiru egunez, gure hirietako tabernak laborategi inprobisatu bihurtzen dira, eta, bertatik, panorama nazionaleko ikertzaile puntakoenek zientziaren aurrerapen berrienak partekatuko dituzte.

Hizkuntza ulergarri eta hurbilarekin, edozein herritarrek hainbat arlotako proiektuak ezagutu ahal izango ditu: neurozientzia, astrofisika, medikuntza, historia, superkonputazioa, matematika, ekonomia eta zoologia, besteak beste.
Donostian, Pint of Science Alboka, Amuitz, Errotatxo, Mala Gissona eta Manuel (Errenteria) tabernetan egingo da, 30 guztira, eta nanoteknologia, 3D inprimaketa, fisika, neurozientzia eta hizkuntza, natura eta iraunkortasuna landuko dira. Pint of Science Donostiaren edizio honetan parte hartzen duten ikertzaile eta zientzialarien artean Fernando Cossío, Oihane Mitxelena, Efthymia Kapnoula eta Francesc Monrabal daude. Hitzaldiak euskaraz eta gaztelaniaz izango dira. Gainera, hitzaldietako batzuk aldi bereko itzulpena izango dute zeinu-hizkuntzara.

Sandra Medrano doktoratu ondoko ikertzaile eta edizio honetako komunikazio-arduradunak azaldu duenez, “zientziari buruz hitz egiten entzutean bertaratutakoei sortzen zaizkien interes, harridura eta barre aurpegiak, laborategia utzi eta aurten ere tabernetara gure aurkikuntzak kontatzera itzultzeko dugun motibazioa dira. Batzuetan gutxietsi egiten dugu geure burua, baina gure herrialdean dagoen kalitate zientifiko handiak eta zientzialari guztiok egiten dugunarekiko dugun motibazioak eta grinak gure herria puntako bihurtzen dute jakintza-arlo askotan”.

CFM Pint Of Science-n

Materialen Fisika Zentroak makro ekitaldi hau esponsorizatzen du, eta modu aktiboan parte hartzen du tabernetako antolakuntzari laguntzen dioten boluntarioen talde batekin. Horrez gain, gure zientzialariek emandako hiru hitzaldi hauek inzago ditugu:

Polímeros inteligentes: imitando a la naturaleza

Ester Verde Sesto

Errotatxo Taberna

Maiatzak 15, 19:00

El túnel entre Superconductores e innovación

David Caldevilla Asenjo

Errotatxo Taberna

Maiatzak 14, 19:00

Programar Moléculas para Curar Lesiones Medulares

Ivan Sasselli

Mala Gissona taberna

Maiatzak 15, 19:00

Oinarrizko Ikerketaren garrantzia

Berrikuntza gisa, aurten, nazio erakundeak oinarrizko zientziaren garrantzia indartu eta babestu du, txertoak edo espazioko bidaiak bezalako mugarriak lortzea ahalbidetuz. Era berean, gaur egungo interes sozialeko gaiak balioetsi dira, hala nola politika zientifikoak eta trantsizio energetikoa, herrialdearen ongizateari, ekonomiari eta hazkundeari zuzenean eragiten dietenak. Pint of Science 2024 doako ekitaldia da bertaratu guztientzat, eta Donostian DIPC, Donostia Sustapena, CFM, CIC BiomaGUNE, Polymat, CIC nanoGUNE eta Biogipuzkoaren babesari esker, eta Aranzadi eta BCBL-ren elkarlanari esker da posible.

Aurten ere, Pint of Science mundu mailako errealitatea da

Pint of Science 2013ko maiatzean jaio zen Erresuma Batuan, Michael Mostkin eta Praveen Paul ikertzaileek beren laborategietan buruko gaixotasunak zituzten pertsonei egiten zieten ikerketa erakusteko ekitaldi bat antolatu zutenean. Beraiek egiaztatu zuten zer eragin handia izan zuen paziente horiengan, eta pentsatu zuten, “jendea laborategietara badoa… zergatik ez eraman zientzia jendea dagoen lekura, tabernetara?”. Gutxi imajinatzen zuten urte batzuk geroago bere ideiak munduari bira emango zionik, 2024an aldi berean 5 kontinenteetan eta 25 herrialdek parte hartuz. Australiako zientzialariak izango dira tabernetako pertsiana igotzen eta jakintzaren eta dibulgazioaren alde lan egiten lehenak. Handik, eta gainerako herrialde anfitrioiekin batera, 3 eguneko zientzia maratoia eta mundu osoko tabernak hasiko dira.

Maiatzaren 13, 14 eta 15ean zientziaren alde topa egin dezagun tabernetan!

Pint of Science 2024 doako ekitaldia da bertaratutako guztientzat, eta ezinezkoa izango litzateke jaialdia babesten duten erakundeen lankidetzagatik ez balitz, hala nola Labbox, CESIF, TRBL, JJNN eta Vadillo Asesores maila nazionalean edo tokiko beste erakunde laguntzaile askoren lankidetzagatik, hala nola DIPC, Donostia Sustapena, CFM, CIC BiomaGUNE, Polymat, CIC nanoGUNE eta Biogipuzkoa.